3:59 م
MAGDY REZK
انا متضايق ومش مبسوط
بجد انا تعبت قربت اموت
صحيت من النوم على خبر حادثة
حادثة تانية ؟
تانية ! قول تالتة خامسة سادسة
بيقولوا الناس اللى فى القطر ماتت
ازاى ارواح الناس عندهم هانت
فين المسئولبن ؟
ليه حالة السكوت؟
مين عن كل دا مسئول ؟
يطلع يتكلم يقول
ايه اللى بيحصلنا وليه؟
يفهمنا تفسير دا ايه
القطر بيعمل حادثة وناس بتموت
الميكروباص يتقلب تعدى وتفوت
الاتوبيس ينزل الترعة
اطفال بتموت من الفزعة
والرد على كل دا السكوت
اللى بيسافر بيموت
اللى بيتظاهر بيموت
اللى بيروح يصلى بيموت
اللى بيطالب بحقه بيموت
اللى بيجرى لاكل عيشه بيموت
اللى بقف ف وش الغلط بيموت
الحزن ملا كل البيوت
يا اما سكوت يا اما كلام وخلاص
اى تصريح نضحك بيه على عقول الناس
او اى كلام نبرد بيه الاحساس
مرهم نحطه ع الجرح
او شوية ورق بنكنوت
الواحد كره الكلام بجد مل
عيشتنا بقت خل
ليه نرضى بالموت او الذل
احنا مش محتاجين كلام
احنا عايزين الف حل وحل
هنخرج من حالة الصمت
هنتكلم . مفيش تانى سكوت
حتى ان متنا نموت
