11:26 ص
MAGDY REZK
.jpg)
زمان
قبل الموبايل والانترنت والفيس بوك كان كل شوية ايام تجيلى رسالة على هيئة جواب فى ورقة (غالبا كانت
ورقة طويلة) مكنتش بعرف مين اللى بعتهالى كنت بلاقيها فى الشنطة او وسط كتاب ايام
ما كنت فى ابتدائى .الرسالة كانت بتبقى طويلة محتواها باختصار : اية من الكتاب
المقدس او بعض التماجيد لاحد القديسين بعدها يُطلب منك انك تبعت الرسالة الى عشر
اصدقاء وان عملت كدا يبقى يابختك ( هتسمع خبر حلو بعد 3 ايام او هيتحققلك امنية
انت بتتمناها كتير) . لكن لو مبعتش الرسالة يا ويلك ( هتنزل عليك لعنة او هتتعرض لحادث
بشع او هتموت بعد 3 ايام)
الغريب
فى الموضوع انى مكنتش بعرف مين اللى حطلى الرسالة ودا كان مخلى الموضوع ليه رهبة
شوية وعشان كان سنى صغير وتفكيرى على قدى كنت بضطر انفذ وانسخ الرسالة يدوى بالقلم وابعتها لـ 10 من معارفى
رغم انى جوه قرارة نفسى مش مقتنع بس كنت مضطر مش عشان الوعد الحلو قد ما خوف من
العقاب.
عدت
الايام الطويلة ونسيت موضوع الرسايل وبعد العمر دا كله ورغم التقدم اللى وصله
العالم لسه فيه ناس عايشة فى التخلف والجهل رجعت الرسايل تانى بس باستخدام
التكنولوجيا باستخدام الايميلات والفيس بوك
من
اسبوع تقريبا جاتلى رسالة على شات الفيس محتواها بدون تعديل:
" يسوع قال انا معكم كل الايام والى انقضاء الدهر امين
ابعتها الى 10 اشخاص وسوف تجد غدا 5 فرحات واذا اهملتها سوف تعيش اسوا 9 سنين
حقيقة فى الانجيل "
كان
ردى:" اى كلام فاضى معقول؟ "
مش
قصدى الاية طبعا
يا
نهار اسود لسه فيه ناس مش هاقول "بتفكر كدا" لا دى مش "بتفكر اصلا"
والموضوع
مش رسايل مسيحية بس لا كمان رسايل اسلامية
يعنى
مثلا كل ما ادخل صفحة الاقى كومنتات غريبة زى:
"قال
سيدنا يونس علية السلام : لا الة الا انت سبحانك انى كنت من الظالمين ارسلها الى
25 شخص وسوف تسمع خبر حلو الليلة وهذة حقيقة مثبتة علميا اما اذا اهملتها فسوف
يصيبك التعس 9 سنوات"
لما
نفكر شوية وندقق نلاقى جميع الرسايل دي كلها (اسلامية او مسيحية ) بتتميز بانها : لها الطابع الدينى وفيها جزاء خير للى هينفذ و فيها عقاب للى هيهملها لكن ايه
مصدرها وايه هدفها ؟ لا نعلم لانها ببساطة
"اى كلام فاضى مش معقول "
مش
بس الرسايل للاسف فيه حاجات كتيرة اوى ملهاش اى لازمة بتصدقها الناس و بتنتشر المهم تكون فيها حتة تدين ودا اللى بيخلى الناس
تنفذ من غير تفكير
يا
ريت نفكر ونبحث وندرس ونشغل مخنا قبل ما نتكلم وقبل ما نردد الكلام وقبل كمان
ما ننفذ
ياريت
نشغل عقلنا قبل ما نشغل ايدينا
