جدع يا باشا

• اهداء الى كل من اطلق الرصاص على المتظاهرين ...
• اهداء الى كل صاحب سلطة لم يحس بمعاناة شعبه ...

جدع يا باشا

حرقت بلادى

قتلت ولادى

وقولت عليا

انى من الاعادى

جدع يا باشا

قولتوا علينا بلطجية

قلة مندسة

وايادى خفية

وانا واهلى الضحية

جدع يا باشا

من غير عقل ولا احساس

ضربتونا بالقنابل والرصاص

وقومتوا علينا الناس

جدع يا باشا

انتو ف مكاتب بتكييف

وانا قاعد ع الرصيف

ومش لاقى حتى الرغيف

جدع يا باشا

ايه الشر وكل الاذية

بتضربنى وتعتدى عليا

بالرصاص ف عنيا

جدع يا باشا

الانسان هيفضل انسان

الحق لازم هيبان

وانت  انت  جبان

ومش جدع يا باشا

ربنا رب الحق

لازم ينصر الحق

ومسير التعالب

تموت ف الشق 

اللى انت منهم يا باشا

  

شارك مع اصدقاءك




للمزيد من الاشعار

تابع القراءة »

ارتحت ..؟!

فى ذكرى الاربعين لشهداء أحداث ماسبيرو  الاحد :9/10/2011


اهداء الى من قتل شهداء ماسبيرو...
اهداء الى من دبّر ومن نفذ حادث تفجير كنيسة القديسين بالاسكندرية...

انت كدا ارتحت

 ارتحت بالدمار والخراب

شفت الجثث والأشلاء على التراب

بكّتنا وشفت ف عنينا العذاب

ارتويت بدم الأبرياء

وفرقت الأهل والأصحاب

شفت الدم يا شيطان

انت أكيد مش إنسان

لا تعرف أمان ولا حنان

ولا بتحب ولا ليك أحباب

انت تعرف القتل والدم

تعرف الكراهية والبغض

لان من لا يحب لم يعرف الله

ودا اللى قالوا ربنا فى الكتاب

عايزين نقولك انت مسكين

اللى قتلتهم ومننا حرمتهم

دول ف السما مكرمين

اما اللى بيقتل

 بيتقتل ولو بعد حين

ويا ويله فى الآخرة من العقاب

احنا مش هنطالب بدمنا

احنا سامحنا فى حقنا

لان دى وصية ربنا

وبندعيلك تحب وتسامح زينا

وتعرف الهنا رب الأرباب

شارك مع اصدقاءك 


للمزيد من الاشعار

تابع القراءة »

راجــع

راجعلك يا  يســــــــــــوع راجعلك من وادى الدموع	من الكورة البعيدة راجع قلبى مليان بالمواجــــــع
واثق فيــــك هتقبلــــــــنى واثق فــــى غـفــــــــرانك	وهـــتمدّ لـــى الايـــــــــد لان وعـــدك اكــــــــــــيد
واثق لانــك يــاربــــــــــى عشــان ف كل لـــــــحظة	انت اللى دورت علــــــيا كنت بحــس بحبك لــــــيا
فى كل مـرّة بارجــــــــــع وأحــــــــــسّ بحنانـــــــك	بتاخدنى ف حضـــــــــنك وبحس بنبض قلـــــــــبك
دايمــــــا بتســـــــــامحنى تاخـدنـى لبيـــــــــــــــــتك	وتاخدنى فى احضــــــانك وتقوللى دا مكــــــــــــانك

شارك مع اصدقاءك




للمزيد من الاشعار

تابع القراءة »

المسيحية

المسيحية مش طقوس

ولا لما نشوف صور نبوس

ولا نروح ندفع شوية فلوس

المسيحية حياة حقيقية

علاقة برب البشرية

تواصل وعشرة حية

من خلال يسوع

فادى البشرية

علاقه يومية تشبعنى

اكلمه فى الصلاة يسمعنى

ومن خلال كلمته يكلمنى

فىكل يوم روحه يعلمنى

شارك مع اصدقاءك

للمزيد من الاشعار

تابع القراءة »

حبنا مش خيانة

ليه بيسموا حبنا خيانة ليه

ليه بيقولوا على ارتباطنا عناد
ليه بيكرهوا قربنا

ويفرحوا لما يكون بينا بعاد 
ليه شايفنا مش لبعض

وليه حبنا مش جاى على المراد
ليه مبيرتاحوش لفرحنا

وعايزين دنيتنا سواد 
يا ناس لما قربت قلوبنا

كانت بأمـر رب العباد 
ارادتنا من نفسنا

لكن الهنا رتب الميعاد
بارك رباط حبنا

قرب قلوبنا والحب بينا زاد
متخافيش يا حبيبتى انا

انا ليكى كيانى وروحى والفؤاد 
مستحيل يتحقق هدفهم

حتى لو يوم البعد عاد

هيكون قصير عمر فراقنا

بعدها يتحقق الوصال والوداد
وأمل  وفرحة عمرنا 
تملا حياتنا بالأعياد

شارك  مع اصدقاءك 

تابع القراءة »

مع قلبك

لو قعدتى لوحدك ف سكون

هتفتكرى كلامى ونظرة العيون

وهمس الكلام هتلاقينى

دايما بفكرى معاكى

ولما تنامى هتشوفينى

 ف احلامك وياكى

هأكون مع قلبك فين ما يكون

افتكرى كل حاجة بينا حلوة

كل كلمة وهمسة وغنوة

بلاش تفتكرى الخلاف

واى شىء منه نخاف

مهما هاجت الدنيا حوالينا

مهما قابلتنا متاعب

هيعيش الحب فينا

حتى لو زادت المصاعب

كل شىء ف حبك يهون

شارك  مع اصدقاءك 


للمزيد من الاشعار

تابع القراءة »

الى الاحساس الصادق

اهداء الى من وصفت اعز انسانة على قلبى

اكتر منى وصفتى واتكلمتى

انتى اللى عمرك ما شفتيها

 ولا اتعلمتى منها

كانك كنتى معاها كان وصفك

وكان اقرب لحقيقة الشخصية رسمك

عمر ما كان وصفك اوهام

وعارف انه مش كلام وخلاص

ولا كلماتك كانت مجرد كلام

دا صدق مشاعر وبُعد احساس

لانك قدرتى ترسمى اجمل صورة

من وصف كلام كان على البال

لقيتك بالوصف اصبحتى مبهورة

وشعورك سافر الى عالم الخيال

قدر خيالك يحضّر اجمل ما كان

وروحك وقلبك حسوا بالزهرة والعبير

وبايديكى كتبتى اجمل الالحان

وكان كلامك اجمل تعبير

انا شاكر احساسك البرئ

وصدق كلامك واخلاصك

وفخور بوصفك الجرئ

ورقة مشاعرك واحساسك

شارك مع اصدقاءك

تابع القراءة »

انت مين في دول؟!

فى عالم امتلأ بالأفكار والآراء والمعتقدات والنظريات نجد العديد والعديد من الأخبار والأقوال والأفكار والتي تكون أحيانا متضاربة بعض منها ضد البعض وهذا يعنى أن هناك الصواب أو الصادق منها وهو ما نسميه الحق والبعض الآخر ليس كذلك وهو ما نسميه الباطل

الحق والباطل موجودان في كل شيء في الأخبار ,النظريات , المعتقدات ...الخ لكن الحق واضح والباطل واضح ولكن فى بعض الاحيان لا يكون الحق ظاهرا او يكون غير واضحا للبعض او يسعى بعض اصحاب المصالح الى اخفاء الحق او إنكاره لأسبابهم الخاصة وأحيانا ما يلجئون الى إلباس الباطل بلباس الحق لإظهاره على انه الحق

وينقسم الناس من حيث موقفهم تجاه الحق الى ثلاثة فرق لا رابع لها:

الفرقة الاولى: تعرف الحق وتعيشه ومقتنعه به وهو من اسميهم (الصادقين)

الفرقة الثانية : تعرف الحق ولكنها لا تقتنع به ولا تعيشه او لا تريد ان تظهره لانه ضد مصالحهم  وهم من اسميهم (الكاذبين)

الفرقة الثالثة : هم الضحايا ليس لانهم لا يعرفون الحق لكنهم مضحوك عليهم ومغيبين واصحاب الفرقة الثانية أثروا على عقولهم وارادتهم وهو من اسميهم (المغيبين)

والسؤال المهم : الى اى فرقة أنت تنتمى هل الى فرقة العارفين الحق وتعيش الحق فعلا لانك من الجائز ان تكون عارف له لكنك لا تريد ان تعيشه لانك صاحب مصلحة او مستفيد او اى شىء اخر. ام من فرقة المغيبين الذين تم التاثير عليهم لان أصحاب الفرقة الاولى  لا خوف عليهم وأصحاب الفرقة الثانية اختاروا بارادتهم اما أصحاب الفرقة الثالثة هم (الغلابة المغيبين) هؤلاء هم البؤساء المضحوك عليهم الذين في رأيى لا ينقصهم سوى تحرير عقولهم من سطوة الاخرين  الا يستحق الحق التفكير والبحث من اجل الحصول عليه افحص نفسك وأفكارك في كل شىء هل انت على صواب ام انك مخطئ لئلا تكون مغيبا.

                

                       شارك  مع اصدقاءك                      

تابع القراءة »

أنتِ

أنت المراة التى اخذتنى من عالمى الى عالم لم اعهده من قبل انت المراة التى فجّرت بركان أشواقى وعواطفى بل أنت المرأة التى نضجت أحاسيسى وعواطفى على يدها بعد أن كانت فى طفولتها

انت المراة التى جذبتنى من بين نساء العالم جميعهن بل أخذتنى من نفسى وأخرجتنى من قوقعى

انت المراة التى فى عينيها اذهب الى راحتى وهدوئى والتى اتفحص فى ملامحها لابحث عن نفسى واجدها وفى ظلام شعرها ادفن احزانى وهمومى

من هن ملكات الجمال حتى اعجب بهن فانت فى نظرى اجملهن لانك انت فقط التى احبها ويهدأ لها قلبى ويرتاح

من هن نجمات السينما حتى أعشقهن او حتى انظر لهن فانت نجمتى وانت شمسى وقمرى بل انت كونى اين اذهب واين ابحث وانت عنوانى.

شارك  مع اصدقاءك 

تابع القراءة »

حمامة و بندقية

الغدر ماسك سلاح

والكره ماسك بندقية

و حمامة السلام

واقفة بعدهم بشوية

الغدر مستنى الليل

والكره مستعجل

والبراءة بتسال ليه

بتفكروا فى الاذية

نظرات الكره بتخوف

والغدر افكاره شر

شيطانه مش مرسيه

على اى بر

والحمامة فى منقارها

غصن زيتون

طلعته من الميه

الكره والغدر

الدم مالى اديهم

الشر فى عينيهم

والبراءة ماسكة قلم

بترسم بيه علم

بتكتب عليه انا مصرية 

هى مش قد السلاح

لكن قالت انا اقوى

انا معايا الحق

يا ترى هتنجا

ولا هتروى الارض بدمها

وتبقى نهاية ماساوية 

صوت الحمامة ضعيف

 بيقول يا رب

خليها ربيع مش خريف

سلام مش حرب

واملا بالحب

كل قلوب البشرية 

دى ارادتك يا الله

ان البشر يعرفوك

ركبهم تسجدلك

وبروحهم يعبدوك

ويكونوا ولادك

اللى بيحبوا اعمالك

وبيحبوك

ويملا السلام

الكرة الارضية

وتعيش الحمامة

صاحبة الرسالة السماوية

شارك مع اصدقاءك

تابع القراءة »

أحــلام

قصة أحلام تمثل معاناة حقيقية فقصتها تمثل معاناة امراة من  عرف المجتمع والقانون والناس

أحلام جارتى فتاة لم تتجاوز الخامسة والعشرين فعمرها لم يصل الى سن العنوسة لكنها كانت قلقة لان كل اصحابها فى الشار ع قد تزوجن وعشن فى بيوت ازواجهن وان لم يكن سعداء لكن لكل منهن بيت زوج وعائلة والبعض منهن لديهن اطفال كان هذا يؤثر على معنوياتها كنت اشعر بذلك رغم انى اصغرها بخمس سنين وكانت كثيرا ما تفكر فى موضوع الزواج والعريس حتى انى سمعتها مرة تقول لاحدى صديقاتها" يا ختى بس ييجى وانا موافقة على اى حاجة بس هو فين" وهذا ما أكد لى انها تعانى من هذا الموضوع ولكنها كانت احيانا تتساهل مع الموضوع (وتاخد الامور ببساطة) وتقول لنفسها " ادينى عايشة يعنى هاعمل ايه؟!" لكن ما كان يزيد امرها صعوبة ويصعب عليها حالها هو نظرة اهلها لها  عانت كثيرا من نظراتهم لها وانها تاخرت خاصة وانها على قدر بسيط من الجمال وانها لم تتعلم ولم  تدخل المدرسة من الاساس لكنها كانت تتعايش مع ظروفها وتتقبل الامر كما هو حتى انها كانت تذهب الى كل فرح من افراح صديقاتها وكانت تسال وتذهب لتسلم على كل صديقة جاءت بيت ابيها لتزور اهلها فهى كانت دائمة الاتصال بهن .

انتقلت من منطقة سكنى الى منطقة اخرى بعيدة وعشت هناك وانقطعت صلتنا بجارتى واهلها وانقطعت اخبارها لمدة من الوقت تجاوزت ثلاث سنوات  خلال هذه المدة لم اعرف شيئا رغم انى كنت اتردد على سكنى من وقت لاخر كل بضعه شهور لكنى لم اكن اهتم كثيرا لكن بعد ثلاث سنوات وفى احدى زياراتى الى سكنى القديم    ذهبت انا وزوجتى الى جيرانى اهل احلام لاسلم عليهم وهناك رايت جارتى احلام تحمل طفلة عمرها تقريبا عامين فسلمت على احلام ونظرت للطفلة لكنها كانت نائمة فسألت امها: "امال البنوتة الحلوة دى بنت مين؟ " فردت الام:"دى بنتى"كانت الاجابة مفاجئة لى ولكن دون اظهر ذلك قلت:"ربنا يخليهالك تتربى فى عزك وعز ابوها معلش انا معرفش انك اتجوزتى لو عزمتينى انا كنت هاحضر الفرح" فاجابت احلام فى اسى:"لا مكنش فيه فرح دا كان جواز فى المطار" اندهشت كثيرا وقلت:"مطار؟! هو العريس من بره ولا ايه؟!" أجابت احلام بسرعة:"اه .هو من السعودية " فابتسمت قائلا:"كويس.. هو فين امال نسلم عليه" ردت:"هو مجاش معايا انا نزلت مصر عشان اسلم على الحاج والحاجة واخواتى و اهلى فى مصر " بعد ما قضيت مع اسرتها حوالى نصف الساعه رجعت الى بيتى  تدور فى راسى بعض الاسئلة تزوجها بالمطار كيف حدث هذا الم يطلب ان يراها قبل الزواج؟! الم يكن هناك خطوبة؟!  ولماذا لم ياتى زوجها معها الى مصر ؟!

فى اليوم التالى تمت الاجابة عن اسئلتى وعرفت ان أحد أخوة أحلام تعرف الى شخص يعرف رجلا سعوديا يبحث عن زوجة مصرية و ان زوج أحلام لم يحضر الى مصر بل طلب رؤية صورتها وفعلا راى صورتها وهى ايضا اروها صورته وتمت الخطبة - رغم ترددها - وقلقها وهى هنا وهو فى السعودية وفى ميعاد عقد القران جاء الى مطار مصر وذهبت العروس الى عريسها فى المطار وعقد القران فى  المطار و رجع السعودى الى بلاده وبصحبته أحلام المصرية لم يستغرق وقتا الا رحلة الذهاب والعودة ولم ترى العروسة عريسها الا فى المطار ولم ترى عش الزوجية ولم تختار اثاث بيتها ولم تختار الوان ولم تبدى رايها فى شئ

وصلت أحلام السعودية وعاشت عام ونصف مع هذا الرجل بعدها تم طلاقها وهى تحمل طفلة صغيرة على كتفها وقام بتوصليها الى مطار بلاده كما أخذها من مطار بلادها فرجعت الى مصر حزينة حزنين حزنها على نفسها وحزنها على ابنتها

تمنت لو لم يحدث كل هذا .

رجعت أحلام الى مصر الى بيت أهلها وعاشت سنة ونصف بعدها جاءها اتصال من طليقها يخبرها انه سيردها الى عصمته وسيتم ذلك بعد وقت قصير كان هذا الخبر بالنسبة لها كالمستقبل الغامض الذى لا تعرف اذا كان ات بالخير ام بالشر لانها ان رجعت اليه فهل سيبقى عليها ام سيطلقها ثانية فهل ندم على غلطته ويريد ردها ام ستكون هذه المرة اصعب من الاولى هل توافق لتربى بنتها مع والدها ام تظل فى بيت ابيها وما يزيد خطورة الاختيار خوفها على بنتها ويرعبها اكثر ما خطر فى بالها ان ترجع المرة القادمة ولكن بدون ابنتها تعانى أحلام من صراعات وتفكير وخوف هل تقبل ان ترجع ام تظل هنا فى وسط اهلها وبنتها فى حضنها ؟!

مضى على اتصال زوجها ثلاثة شهور  ونصف وهى تنتظر اتصاله ومازالت تنتظر 

حتى الان

شارك مع اصدقاءك

تابع القراءة »

لا ميّـة ولا نار

ولا ميّـة ولا نار   ولا حرب الأشرار

وحدك تستطيع

تعرف الأسرار   وتكسّر الأسوار

وتحرر الجميع

وحدك يا يسوع    مشبع الجموع

لأنك حنّــــان

كلامك بيشفى    دمك بيحمى

وبتدى بالمجان

يا فرحى بيك   شكر ليك

بارفع اسمك عالى

وحدك الحب  مكانك ف القلب

وهتفضل غالى

ياللى تعبان  وعايش ف احزان

تعالى ليسوع

من كل شىء ترتاح تعيش ف الافراح

وتنسى الدموع

شارك مع اصدقاءك

للمزيد من الاشعار

تابع القراءة »

لسه فاكـر ؟!

لسه فاكر يا قلبى ترنم

لسه فاكر التسبيحات

فاكر اللى عشانك اتألم

ولا ناسى كل اللى فات

فاكرة يا نفسى السلام

مع يسوع بيدوم

دا عنده أحلى كلام

 ينسّى التعب والهموم

ارجعى يا رجلىّ لمكانك

اعلى يا ايديّا للهتاف

للى مات عشانك

معاه مش ممكن نخاف

شارك مع اصدقاءك

للمزيد من الاشعار

تابع القراءة »

عفـــاف

سأروى لكم قصة تاثرت لها جدا قصة ليست من نسج  خيالى ولكنها من الواقع وبطلتها تعاصر ايامنا وتعيش عصرنا هذا. عصر الانفتاح والتقدم والمعلومات عصر حقوق المرأة ومساواتها بالرجل  لاتعى طفلتنا بكل هذا ولكنها ظلمت.
عفاف طفلة الصف الثانى الاعدادى  لم يتجاوز عمرها الثالثة عشرة من عمرها كانت طفله مرحة ومتفوقة ومن اوائل الصف وبعد ما اكملت امتحانات الصف ونجحت طبعا ومن الاوائل جاء لخطبتها شاب فى منتصف العشرينات وطلب يدها من اهلها لا اعلم كيف اختار هذا طفلة والاكثر دهشة انها لم تكمل دراسة المرحلة الاعدادية ولكن الذى يحزن الجنين فى بطن امه هو موافقة اهلها على الخطوبة والزواج ! كيف لاب وام ان يطمئنوا على استمرار ونجاح زواج طفلة ؟! وقرروا زواج الطفلة والشاب على ان تتم مراسم الزواج بعد عام . اكملت عفاف دراسة الصف الثالث الاعدادى ونجحت ومجموعها تجاوز الكثيرات من زملائهن البنات وحلمت بدخول المدرسة الثانوية لتصبح من طلاب الثانوية العامة وتتاهل لدخول الجامعة مثلما قالت هذا لصديقتها منى التى كانت ترافقها مشوارها الدراسى ولكن بعد نجاح عفاف وتاهيلها لدخول الثانوية العامة قرر الاهل انفصال عفاف عن المدرسة ووقف مشوار التعليم  كانت تهمس فى نفسها : "ليه مكملش تعليمى زى منى صحبتى . انا هاقول لبابا وماما لكن انا .."

لم يقدم الاب اوراق ابنته عفاف للمدرسة الثانوية وجهزوا لاعداد زفافها الى عريسها وفعلا تم اعداد الفرح وواجهتهم مشكلة السن انها صغيرة فعمرها خمس عشرة سنة فقط فقرر لهم من يطبق شرع الله ان يزوجها دون توثيق لان المحكمة الشرعية لن توثق عقود زواج للقاصرات وفعلا تم الزواج ولا نعلم ما الذى  تم بين الشاب وطفلة عندها 15 سنة فى ليلة زفافهما ومرت الليلة ومرت ليالى كثيرة غيرها وخوفا من حمل الفتاة لان الطفل المولود لن يكتب فى سجلات الميلاد وكيف تصدر له شهادة ميلاد وهو ليس له اب او ام لان والديه لم يثبت بعد انهما متزوجان لذلك  اقترحت حماة عفاف  على ابنها ان ياخذ زوجته الى الطبيب لعمل وسيلة لمنع الحمل حتى تتم السن القانونى للزواج ويتم توثيق الزواج بعدها يتم ازالة الوسيلة وفعلا اخذ الزوج زوجته عفاف الى الطبيب واخبره بكل شىء ووافق الطبيب على تركيب لولب كوسيلة حمل منع لعفاف 
عاشت عفاف مع زوجها لا اعلم كيف عاشرته وكيف كان يتعامل معها زوجها ولكن عاشت لكنها كانت تعانى من الم دائما بسبب وسيلة منع الحمل وتكررت زياراتها للطبيب بسبب تعبها. دبلت الوردة المتفتحة واختفت الابتسامة المرحة فى وحل الهموم ضاع حلم الصغيرة فى التعليم  لا تتذكر شيئا الا لعبها مع صديقاتها البنات وجريهن فى الحارة الصغيرة كانت تبعد بخيالها فى ماضيها المرح مع البنات والاولاد  ولكنه سريعا ما ترجع الى عالم الحقيقة المرة انها زوجة وربة منزل ومسئولة عن بيت وزوج ولا زالت طفلتنا الصغيرة بين الالم والمعاناة وبين صوت البنات الضاحك الموجود فقط فى خيال وذاكرة عفاف

شارك مع اصدقاءك

تابع القراءة »