1:41 م
MAGDY REZK
- اهــــداء الى أمى فى ذكرى وفاتها العاشرة
زى النهاردة سبتينى
مرّت الأيام من غيرك
ومش عارف ازاى مرّت
وانتى مش ف يوم منها
وحشتينى ...
بقالى كتير مشفتكيش
كانه عمر بحاله
بعد مرور 10 سنوات على فراقك
غبتى عنى لكن ولا مرة نسيتك
لسه فاكـــــــــــــر ...
كلامك كأنك لسه بتقوليه
حنانك اللى لسه عايش بيه
فاكــــــــــر ...
ملامحك وهدومك وايديكى
والفرح ويا الحزن ف عنيكى
وكل حاجة يا حبيبتى فيكى
لسه فاكرك كانه امبارح
لسه فاكرك ...
كانك عايشة فى كل موقف معايا
هافضل فاكرك لحد ما اشوفك
وحشتينى يا أمــــى
