وانتى بعيدة عن عينى

وانتى بعيدة عن عينى		مفيش شىء ينسينى
دا انتى كل الوجود
لما عنى بتغيبى		بافضل بنارى وتعذيبى
لحد ما تتم الوعود
مشعارف هاعمل ايه		والبعد ازاى هاقدر عليه
وقلبك جنبى مش موجود
ازاى هاقدر استنى		عايش بحيرتى باتمنى
امتى يا غايب هتعود
يا ريت افضل جنبك		جنب عينيكى وقلبك
والحب علينا يسود
عايزك تفضلى ويايا		وان مشيت تيجى معايا
وما تفرقناش اى سدود
حلمى يجمعنا الحب		نبقى قلبين ف قلب
ساعتها هاملك الوجود شارك مع اصدقاءك

تابع القراءة »

أمـــى

أمـــــى

اول حضن دفانى

اول قلب رعانى

ف الخوف تحمينى

دعاها ينجينى

هى الصدر اللى ربانى

معاكى حسيت بالامان

وياكى عرفت الحنان

قلبك دايما عليا

دايما بتحسى بيا

برضاكى يا بخت الانسان

ضحيتى براحتك عشان ارتاح

وف تعبى تسهرى حتى الصباح

ولما تتعبى تقولى مفيش

ومنى دايما مبتزعليش

حتى لما اغلط ف حقك

بلاقى السماح

فى عيدك فكرت ايه اقدم ليكى

وانا اللى عايش بيكى وفيكى

يا ترى ايه ممكن اديلك

وانا لو عشت عمرى ارد جميلك

مش ممكن اقدر اوفيكى

شارك مع اصدقاءك

تابع القراءة »

أحلى كلمة

أحلى كلمة سمعتها

فى اجمل يوم شفتها

ارتاح قلبى لنغم لحنها

اخيرا سمعتها

كلمة فرشتلى الدنيا ورود و أنغام

وشفت فيها احلى الامانى والاحلام

سمعت فيها اغانى باحلى كلام

اخيرا سمعتها

ب   بالى وقلبى ارتاح

ح  حنان وحنية وافراح

ب  بمبى كل الدنيا ف عنيا

ك   كفاية كدا عليا

اجمل حروف سمعتها

كان نفسى اسمعها من زمان

كلمة ليها اجمل احضان

بتحضنى وتدينى الامان

اخيرا سمعتها

شارك مع اصدقاءك

تابع القراءة »

الموضة

جرالك ايه يا مان

حيرتنى ف امرك

عايش ف موضه جنان

خد بالك من عمرك

مضايق نفسك ببضى محزق

وبنطلونك واقع من حجرك

وجيل ف شعرك ملزق

وصورة مش هيه ع صدرك

جرالك ايه يا مان

شارك مع اصدقاءك

تابع القراءة »

قول تانى يا قلب...

قول تانى يا قلب اللى انت قلته

منين يا قلبى الكلام دا جبته

عشان شفت نظرتين

ولا عشان اتقالوا كلمتين

ولا انت تعبان من كل اللى شفته

لا ياقلبى بلاش عذاب

خليت عقلى منى غاب

كفايه علينا افكار

بلاش تعيشنى ف النار

ولا انت يا قلبى بقيت قلاب

ارجع يا مسكين من غيابك

راجع يا مخدوع حسابك

ليه تظلم وتبعد وتتحير

ليه دا انت عمرك ما بتتغير

ايه يا قلبى اللى وداك وف لحظة جابك

شارك مع اصدقاءك

تابع القراءة »