اخيرا

اخيرا

القلم الرصاص

6:26 م MAGDY REZK



فى الرسم استاذ فنان
وتلاقيه فى الكتابة كمان
يكتب ويمسح
وحروفه جنان
يحب اللى يحبه
ويدفع العمر من أجله
أصله صديق للانسان

يعيش حياته للكتابة والرسوم
هدفه واضح ومرسوم
ويدى من عمره لاخر يوم
ولا مرة يكون كسلان

ياما قدم فن واعمال
وصنع تصميمات وكتب مقال
خطط وياما غير الحال
وليه ع العالم افضال
غيرت حياة الانسان

تابع القراءة »

غيرنى يا ربى

2:18 م MAGDY REZK



غيرنى يا ربى
عايز ارجعلك تانى
ارحمنى واغفرلى
ياللى مت عشانى
اخلق فيا قلب جديد
يا قدوس يا بار
عايز اكون انسان جديد
متى مش العشار
ساعدنى انسى ماضيا
وامتد الى ما هو قدام
انصرنى ع كل اللى بيا
واجذبنى الى الامام
علمنى يا رب انسى
كل اهانه وتجريح
قلبى اللى بيشيل ويقسى
خليه زى قلب المسيح
ادينى  محبة منك
احب كل الناس
بيها اشهد عنك
واكرز بيسوع الخلاص





تابع القراءة »

بعتـــــك

3:09 م MAGDY REZK



بعتك ايوة بعتك
 وبتمن رخيص
بعتك وانت الغالى
 وانا الرخيص
بعتك واشتريت الخطية
وفضلت ابيعك كل شوية
ايوة سبتك
ومشيت ورا ابليس

سبت وجريت ورا سراب
بعت حنانك
ومشيت مع احباب
لا ف يوم نفعونى
ولا مرة ريحونى
اتاريهم كانوا مجرد كوابيس

الحب منك انت
الامان عندك انت
الشبع ف حضنك انت
بتدى الخايف سلام
صعب وصفه بالكلام
يطمن كل حزين وتعيس






تابع القراءة »

أقوم وأرجع

2:48 م MAGDY REZK




أقوم وارجع البيت
واقول لابويا اخطيت
سبت بيتك وجريت
تعبت ف الغربة
وايامى كانت صعبة
بعدت ادور ع الراحة
لكنى  ما لقيت
حليت الدنيا ف عنيا
كنت فاكر هلاقى الحرية
لكنى بعد شوية
لقيت نفسى وحيد
وعمرى ما كنت سعيد
فكرت وادينى جيت
سامحنى لانى اخطيت
ووصيتك يا الله نسيت
انا عارف انى عصيت
كنت غرقان ف الشرور
وبالخطية مسرور
وللعالم مجرور
رجعت من قلبى ونويت






تابع القراءة »

عايـــز صـــورتك

2:31 م MAGDY REZK




عايز صورتك بس ف عينى
مش عايز اشوف غيرك
عايز كلامك بس ف ودانى
مش عايز اسمع غيرك
مش عايز ادوق طعم تانى
عشان مفيش احلى منك
عايزك تملك كل كيانى
مش عايز ابعد عنك
اروح لمين غيرك
انت لى المياه
انت الحب انت الحياه
قلبى مش ممكن يملاه
اى حد غيرك
انت رئيس السلام
انت النور اللى بيبيد الظلام
انت اللى عندك كلام..
مش موجود عند غيرك
كلام يحرر ويشفى
كلام يشبع ويكفى
يملا روحى ونفسى
اللى مش ممكن 
ترتاح ويا غيرك




تابع القراءة »

ناوى تحب..؟

11:45 ص MAGDY REZK


ياللى غاوى الورد

 لازم تستحمل الشوك
ياللى ناوى تحب

 لازم تستحمل اللى بيحبوك

حبيبك مش كله فل
ولا هو احسن الكل
مفيش كامل الصفات
كله عند عيوب ومميزات
لازم تكون عارف كل الحاجات 
اسمع نصيحة من اخوك

سمعنا وشفنا اللى حصل
الحب مش كل ايامه عسل
دا يوم حلو ويوم بصل
وان قالولك غير كدا 

يبقى يا صحبى خدعوك






تابع القراءة »

وانتى بعيـــدة

5:51 م MAGDY REZK

تابع القراءة »

حــب بجـــــد

3:14 م MAGDY REZK

تابع القراءة »

وردة الحـــــب

3:12 م MAGDY REZK

تابع القراءة »

أول كلمة

2:25 م MAGDY REZK


أول كلمة

أول كلمة نطقتها أمى
نطقتها بقلبى قبل فمى
خدت الحنان من حضنها
اتعلمت الحب من قلبها
من غيرها يحس بهمى

كلمة باقولها بقلبى قبل اللسان
لفظ فيه معنى الحنان
حضن فيه راحتى وسلامى
قلب بيفهم سكاتى قبل كلامى
بعدك عشت ف وادى الاحزان

كنت اتمنى معاكى دوما اعيش
عشان ف قربك احزان مفيش
انتى بتهونيها
كنتى بتخففيها
دموعى كنتى بتمسحيها
بعدك صديق ايام ماليش


شارك مع اصدقاءك

تابع القراءة »

حتة منــــى

12:21 م MAGDY REZK

تابع القراءة »

حتة منـــى

8:00 ص MAGDY REZK




حـتــة مـنى




غالية عليا قد عنيا 
ويمكن اكتر 

قريبة منى و بعيدة عنى 
وفيها بفكر 

عنيها بريئة والضحكة جريئة 
وزى السكر 

نظرتها تفرح طلتها تريح 
مهما البال اتعكر 

ولا كلُمتها ولا شوفتها 
بس بعزها 

مقعدتش معاها متكلمتش وياها 
بس بحبها 

اصلها حتة منى 
مش ممكن تغيب عنى 
هى حلم من الاحلام 

فى كل دقيقة 
باتمنى يبقى حقيقة 
ساعتها يحلى الكلام 




شارك مع اصدقاءك
تابع القراءة »

فين المسيح ؟!

7:19 ص MAGDY REZK





فين المسيح فى حياتى
فين سجودى فين صلاتى
خدمتى فين وفين التفانى
وتعبى لاجل اللى فدانى
فين دراستى فين تاملاتى
انا ليه بقيت كدا ليه
ماليش هدف اهتم بيه
بعيد وعنيد وربى ناسيه
اتغيرت كل حياتى
نفسى ارجع تانى
ويبقى لحياتى معانى
واصلى مع اخوانى
واقرا كتابى يوماتى
ارجع لحظيرة المؤمنين
واتمثل بحياة القديسين
وابقى دايما من الشاكرين
لالهى على كل طلباتى
راجع بدموع
جايلك يا يسوع
اشغلنى بيك
ثبتنى فيك
احمينى ليك
لحد ما يجى يوم مماتى




تابع القراءة »

هل نظرت للصليب والمصلوب

7:17 ص MAGDY REZK




هل نظرت للصليب والمصلوب
هل فكرت ف القلب الذى يذوب
حبا قد فاق كل القلوب
هل شاهدت سيلان الدماء
هل رأيت عيونه لم تكف عن البكاء
حبا للمؤمنين والخطاة على السواء
هيا انظر لقلب من حنانه قد ذاب
تحمل هذا البرىء عن المجرمين العقاب
مات عن الجميع الاحباب والاغراب
سترى دماءا تسيل من لحم قد تخلله الحديد
لم نر تضحيه مثل قصة هذا الحب المجيد
يتحمل الاب كل شىء حتى الموت من اجل الوليد
سترى يدين ثابتتين بالمسامير على الصليب
اليدان التى كم صنعت من معجزات الحبيب
وكم انقذتا ارواحا من النار و اللهيب
سترى قلبا محبا وضع نفسه لاجلك
ولو فكرت ف عمله لعرفت كم يحبك
وبالموت افترق حتى يكون هناك قربك





تابع القراءة »

أنا لست عابدا للصليب

7:08 ص MAGDY REZK



انا لست عابدا للصليب
انى أعبد الــــــــه رهيب
اله كل الازمان
خلق كل الاكوان
اله يملأ كل مكــان
كل شىء خلقه بترتيب
انا لست عابدا للصليب
  
اله خلقنى وجبلنى من تراب
اله بيحبنى اكتر من كل الاحباب
اله اتحمل عنى العذاب
وفدانى من الموت الرهيب
انا لست عابدا للصليب
  
اله جسد  كلمته
وكان فى صورة انسان هيئته
ليعطى كل انسان حريته
مات ع الصليب موت رهيب
انا لست عابدا للصليب
  
انا لا باسجد لصليب ولا تمثال
انا بعبد اللى على الصليب شال
ذنوبى  وديونى وكل الاحمال
و عشانى قبل الاهانات والتعذيب
انا لست عابدا للصليب
  
الصليب دا كان مجرد اداة
نفذ بيها مسيح الرب فداه
عشان يحرر كل الخطاة
وبموته ع  الصليب
اصبح للكل نصيب
انا لست عابدا للصليب




تابع القراءة »

وانتى بعيدة عن عينى

10:09 ص MAGDY REZK





وانتى بعيدة عن عينى  

مفيش شىء ينسينى
دا انتى كل الوجود
لما عنى بتغيبى   

بافضل بنارى وتعذيبى
لحد ما تتم الوعود
مشعارف هاعمل ايه

والبعد ازاى هاقدر عليه
وقلبك جنبى مش موجود
ازاى هاقدر استنى

عايش بحيرتى باتمنى
امتى يا غايب هتعود
يا ريت افضل جنبك

جنب عينيكى وقلبك
والحب علينا يسود
عايزك تفضلى ويايا

وان مشيت تيجى معايا
وما تفرقناش اى سدود
حلمى يجمعنا الحب

نبقى قلبين ف قلب
ساعتها هاملك الوجود


شارك مع اصدقاءك
تابع القراءة »

أمـــى

9:33 ص MAGDY REZK



أمـــــى
اول حضن دفانى
اول قلب رعانى
ف الخوف تحمينى
دعاها ينجينى
هى الصدر اللى ربانى

معاكى حسيت بالامان
وياكى عرفت الحنان
قلبك دايما عليا
دايما بتحسى بيا
برضاكى يا بخت الانسان

ضحيتى براحتك عشان ارتاح
وف تعبى تسهرى حتى الصباح
ولما تتعبى تقولى مفيش
ومنى دايما مبتزعليش
حتى لما اغلط ف حقك
بلاقى السماح

فى عيدك فكرت ايه اقدم ليكى
وانا اللى عايش بيكى وفيكى
يا ترى ايه ممكن اديلك
وانا لو عشت عمرى ارد جميلك
مش ممكن اقدر اوفيكى


شارك مع اصدقاءك

تابع القراءة »

الاشتراك في: الرسائل (Atom)
Twitter Delicious Facebook Digg Stumbleupon Favorites More

 
Free Web Hosting