افتكرتك دمعى سال....

افتكرتك دمعي سال
افتكرتك وف قلبي كام سؤال
فين اللهفة اللي كانت مستنيانى
فين القلب اللي بيفرح لرجوعي
راحت فين الايدين اللى تعبت عشانى
وياما ف الحزن مسحت دموعى
بعدك اتغير الحال

فين الطيبه فين الامان
فين الحنيه فين الحنان
زى حبك مفيش
زى زمانك مش هاعيش
وياكى رحلت الامال


انا عارف انه مش بارادتك تسبينى
ولا تهون عليكى دموع عينى
عشتى طول عمرك تدينى
كل شىء لسه على البال

اتالمتى كتير فى احزانى
وتعبتى كتير اوى عشانى
تعبتى عشان ارتاح
مش ممكن هانسى اللى راح
مهما العمر طال

شارك مع اصدقاءك

تابع القراءة »

علمتك الحب

علمتك الحب سبتينى و رحتى حبتيه
وكلام الحب اللى قلتهولك ليه بتسمعيه
وكل تعبيرات قلبى ختيها منى ليه
وكل لفظ بينطقه لسانى بتروحى تردديه
ونبع كل الحب قلبى بتنسيه
زى ما يكون شغلتك ف الحياة قلبى تعذبيه
ليه القلب اللى اداكى كل الحنان
وف وقت خوفك عنده لاقيتى الامان
بعد كل دا يكون جزائه انك تخونيه

شارك مع اصدقاءك

تابع القراءة »

آدى يا قلبــى

آدى يا قلبى اللى اخترته
وعلى كل الناس فضلته
وف اعز واغلى مكان شلته
مشقادر يوم يقدر حبك
وبيجى كتير على قلبك
مش فاهم اللى عشانه عملته

باقولك يا قلبى نسيبه
للدنيا وهو ونصيبه
مسيره يعرف مين حبيبه
ساعتها يفتكر كل الكلام اللى قلته

ابعد وانسى كل اللى كان
ابعد عن الحيرة والعذاب والاحزان
فكر ف اللى جى وسيبك من زمان
سيبك من الحب وسيبك من حيرته



شارك مع اصدقاءك

تابع القراءة »

أهل المغنا

يا أهل المغنا دماغنا وجعنا
ياما شفنا وياما سمعنا
وكلامكم عمره ما نفعنا
عمالين تسمعونا كلام
اى الفاظ والسلام
كلام من غير معانى
بتسموه انتم اغانى
بتعملوا علينا افلام

شارك مع اصدقاءك

تابع القراءة »

صيف وسهر

صيف وسهر
ليل وقمر
وخيال ف سفر
احلى احساس
وف صحبتك خل
ورده ع الخد يطل
ف عينك اجمل الكل
واغلى الناس
تتكلم أحلى كلام
ولا تخشى اى ملام
وتنسى كل الالام
تقول ع الدنيا خلاص




شارك مع اصدقاءك

تابع القراءة »

باقى عليه

باقى عليه ومش باقى عليا
قلبى بيفكر فيه وهو عمره ما سأل فيا
عايش حياته لا بيحس بتعبى ولا طول لياليا
عمره ف يوم ما كان جنبى
طول الايام بفكر وانا محتار
يا ترى هيكون ايه الاختيار
تعب حالى وتاهت الافكار
يا ترى ايه مصير حبى
انا ايه اللى غاصبنى على كل دا
سهران وحيران وتعبان بالشكل دا
تاه قلبى م التفكير وصوتى تعب م الندا
كل دا عشان خايف عليك يا قلبى
عايز ابعد بعيد وحدى بس خايف
لا قلبى يتعذب ويبقى مش شايف
ف الدنيا غير الاوهام
ويخاصم الامل والاحلام
وميصدقش بعدها لا كلام القلوب ولا الشفايف
واعيش طول عمرى شايل ذنبى






شارك مع اصدقاءك

تابع القراءة »

حب بجــد

بأدور على حب بجد
حب محبوش حد لحد
حب يشدنى م الدنيا شد
نفسى اعيش أحلام
وأغرق ف بحر الغرام
يا ترى ممكن ألاقى حد
بيدور على حب بجد
نفسى أعيش الحب بحرية
وأسهر الليالى الهنية
أكون لحبيبى وحبيبى بس ليا
نعيش سوا افراحنا
ونداوى لبعض جراحنا
والفرح لآخر عمرنا يتمد
هأدور على حب بجد
نسهرعلى ضى الشموع
ونبعد عن أى دموع
ونحب بصوت مسموع
ولا يفصلنا ف يوم سد
بأدور على حب بجد
أعيش حبيبى اجمل الأمانى
ويكون حبنا أحلى من الأغانى
نتهنا ولا يوم حد فينا يعانى
ننسى ماضينا ونعيش اليوم والغد
بأدور على حب بجد
نبقى ع الحب متعاهدين
وع الاخلاص متواعدين
ولا تفرقنا ايام ولا سنين
نكون واحد مش اتنين
وحدتنا صنعها الصدق والود
وهو دا الحب اللى بجد





شارك مع اصدقاءك

تابع القراءة »

الجنيـــــــــــــه

عليت وبقيت فوق الكل

واللى انت مش معاه بيشوف الذل

والناس ف تفكيرها عليك بتطل

وبقيت ف كل المشاكل تحل

قدرت تتحكم ف كل حاجة حتى النفوس

والناس مبقتش محتاجة غير للفلوس

والكل بيجرى عشان يجمعها

وعشانها على كل شىء  بيدوس

تهانينا ليك يا كبير

ع المنصب الخطير

بقيت ع الكل أمير

الدنيا بقت مملكتك

والزمن اصبح زمانك

يا ولداه عليك يا فقير

لكن اسمحلى اقولك يا مغرور

محبتك اصل لكل الشرور

وفيه حاجات كتيرة

ملكش فيها وسيلة

ومتقدرش تعمل فيها اى دور

شارك مع اصدقاءك

تابع القراءة »

وردة الحــــــــــب

شفت وردة جميلة فرحت بيها

بريئه وجريئة والحنان ماليها 

صغيرة متحيرة م العالم حواليها

وحيدة بس سعيدة

بتعيش حياة جديدة

مهما اوصف مش ممكن هاوفيها

وردة مليانة بالأمان

تدى السعادة لكل انسان

تغمره بالحب والصدق والحنان

ربنا يحفظها ويخليها

يا بخت اللى هتكون الوردة نصيبه

لو اخلصلها مش ممكن تسيبه

يتهنا بحياته وينسى العذاب ولهيبه

لما يهدى العمر ليها

شارك مع اصدقاءك

تابع القراءة »

سيبى قلبــــك

متقفليش على قلبك المجروح
خليه بحزنه يبوح
سيبك من احزانك
وانسى اللى خانك
سيبى قلبك للفرح يروح
انسى الحزن والاحزان
وامحى اللى فات كمان
مفيش ابدا انسان
بيعيش طول عمره بالجروح
ليه تضيعى عمرك بلاش
على حاجات يمكن متسواش
فيه حاجات ممكن تتعاش
ليه تخلى عمرك منك يروح
ليه فكرك دايما سارح
عيشى بكرة وانسى امبارح
ودعى كل شىء جارح
محدش بيفضل طول عمره مجروح

شارك مع اصدقاءك

تابع القراءة »

ليه بتظلمينى.....؟

ليه بتظلمينى...؟!

وف حزنى ودمعى تعيشينى
ليه بتجرحينى......
وف حبى و وفائى تخونينى
دى غيرة منك عليا
ولا دى ردود عادية
ولا انتى بتشكى فيا
ولا عايزة وخلاص تتعبينى
عادى بكل براءة بتكلم عليها
عمرى ما شغلت نفسى بيها
ولا قلت انى معجب بيها
كنت بحكى لحظات كان نفسى فيها تشاركينى
مشاعرى مش فراشه لاى نور تتشد
ولا هاجى ف يوم واميل لحد
مشاعرى ارتبطت برباط بجد
بعد كل دا ليه بتعذبينى

شارك مع اصدقاءك

تابع القراءة »