قبل الكسر الكبرياء
4:29 م
MAGDY REZK
قبل الكسر الكبرياء
أنا عارف قيمتي فى الهي
لكن مش هتعالى على حد
لأنه خلق كل واحد متميز
و محدش أحسن من حد
خليك متواضع تبقى محبوب
وتلاقى فى خلقه الود
عيش مع أبسط الناس
متخليش بينك وبينهم سد
وكل الناس هتحترمك
لما تحسن الجواب و الرد
لكن لو عشت بكبرياء
مش هتلاقى حواليك حد
ولما تقع فى طريقك
محدش هيمدلك اليد
حكمة من كلمة ربنا
كلامها واضح زى الحد
بعد الكبرياء الكسر
وبعد التشامخ سقوط بجد
+++
" قَبْلَ
الْكَسْرِ الْكِبْرِيَاءُ، وَقَبْلَ السُّقُوطِ تَشَامُخُ الرُّوحِ" الامثال ١٦ : ١٨
سامحنى
4:24 م
MAGDY REZK
سامحنى
سامحنى
كتير ما شكرتك
سامحنى
انا ياما هجرتك
سامحنى
ف يوم انكرتك
سامحنى
سامحنى
انا غلطان
سامحنى
انا ندمان
سامحنى
انا انسان
سامحنى
انا
باتوب قدامك
انا
ابنك وخدامك
امنحنى
عفوك وسلامك
يارب
سامحنى
انا
عملك وصنع ايديك
علمنى
اثبت فيك
ساعدنى
اكون بس ليك
و
سامحنى
آسف يا رب
2:43 م
MAGDY REZK
بجد
آسف على كل خطية
آسف
عشان شوية معاك
ومش
معاك شوية
آسف
لانى مش دايما معاك
آسف
لان كتير جدا بنساك
عارفك
بتسامح لانك
بتحبنى
محبة ابدية
عارف
انك عايز تفهّمنى
يارب
فهمنى
ورغبتك
انك تعلّمنى
يارب
علمنى
اعيشلك بكل حرية
كل واحد فيه اللي مكفيه
2:42 م
MAGDY REZK
دورت لقيت كل واحد فيه اللي مكفيه
اشكي لمين مين هيسمع اللي انا فيه
كله عايز اللي يسمعه محدش عايز يسمع
مفيش غير الهى ف صلاتى الجأ اليه
كُن نفسك
2:41 م
MAGDY REZK
كُن نفسك ماتكونش حد
اهتم بحالك بلاش تبص على حد
انت مختلف مش زى أي
حد
احلم ارسم متخليش لطموحك حد
قصيدة : حب بجد جريدة الرجاء العدد 12
2:44 م
MAGDY REZK
قصيدة : حب بجد جريدة الرجاء العدد 12
جريدة الرجاء العدد الثانى عشر بتاريخ 1/10/2014
حب محبوش حد لحد
حب يشدنى م الدنيا شد
نفسى اعيش أحلام
وأغرق ف بحر الغرام
يا ترى ممكن ألاقى حد
بيدور على حب بجد
نفسى أعيش الحب بحرية
وأسهر الليالى الهنية
أكون لحبيبى وحبيبى بس ليا
نعيش سوا افراحنا
ونداوى لبعض جراحنا
والفرح لآخر عمرنا يتمد
هأدور على حب بجد
نسهرعلى ضى الشموع
ونبعد عن أى دموع
ونحب بصوت مسموع
ولا يفصلنا ف يوم سد
بأدور على حب بجد
أعيش حبيبى اجمل الأمانى
ويكون حبنا أحلى من الأغانى
نتهنا ولا يوم حد فينا يعانى
ننسى ماضينا ونعيش اليوم والغد
بأدور على حب بجد
نبقى ع الحب متعاهدين
وع الاخلاص متواعدين
ولا تفرقنا ايام ولا سنين
نكون واحد مش اتنين
وحدتنا صنعها الصدق والود
وهو دا الحب اللى بجد
كلمات مجدى رزق
قصيدة : حمامة وبندقية جريدة الرجاء العدد 12
2:19 م
MAGDY REZK
قصيدة : حمامة وبندقية
كلمات مجدى رزق
جريدة الرجاء العدد الثانى عشر بتاريخ 1/10/2014
الغدر ماسك سلاح
والكره ماسك بندقية
و حمامة السلام
واقفة بعدهم بشوية
الغدر مستنى الليل
والكره مستعجل
والبراءة بتسال ليه
بتفكروا فى الاذية
نظرات الكره بتخوف
والغدر افكاره شر
شيطانه مش مرسيه
على اى بر
والحمامة فى منقارها
غصن زيتون
طلعته من الميه
الكره والغدر
الدم مالى اديهم
الشر فى عينيهم
والبراءة ماسكة قلم
بترسم بيه علم
بتكتب عليه انا مصرية
هى مش قد السلاح
لكن قالت انا اقوى
انا معايا الحق
يا ترى هتنجا
ولا هتروى الارض بدمها
وتبقى نهاية ماساوية
صوت الحمامة ضعيف
بيقول يا رب
خليها ربيع مش خريف
سلام مش حرب
واملا بالحب
كل قلوب البشرية
دى ارادتك يا الله
ان البشر يعرفوك
ركبهم تسجدلك
وبروحهم يعبدوك
ويكونوا ولادك
اللى بيحبوا اعمالك
وبيحبوك
ويملا السلام
الكرة الارضية
وتعيش الحمامة
قصيدة بحبك زى ما انتى
12:47 م
MAGDY REZK
قصيدة بحبك زى ما انتى
كلمات مجدى رزق
جريدة الرجاء العدد الحادى عشر بتاريخ 30/8/2014
بحبك واعزك انتى
بحبك واقدرك زى ما انتى
حتى لو قصدتى اهانتى
غنية فقيرة
بحبك مهما كنتى
بحبك زى ما انتى
بحبك شوارعك والحوارى
بحب اهراماتك والسوارى
بحب يا بلدى ميادينك
امنت بالهك ودينك
اصلك ارضى ومدينتى
بحبك زى ما انتى
بحبك ضجيجك وسكاتك
بحب بيوتك و محلاتك
اصلى على ارضك اتوجدت
وفيكى يا بلدى عشت وكبرت
ولو مرة ف الدنيا تهت
انتى يامصر سفينتى
بحبك زى ما انتى
اسمك ذُكر فى وحى الله
عشتى يا بلدى دايما فى حماه
رايتك بترفرف عالية ف سماه
ولو يوم فكروا فيكى الغزاه
الهنا يجميكى يا حبيبتى
بحبك زى ما انتى
عشتى صامدة فى مكانك
وولادك محميين فى احضانك
والعالم كله بيحلم بأمانك
ولادك ف الصورة منورين
وف ارضك دايما معمرين
بيهدوا العمر عشانك
عشان حلمك عشانك انتى
بحبك زى ما انتى
قصيدة وردة الحب
12:12 م
MAGDY REZK
قصيدة وردة الحب
كلمات مجدى رزق
جريدة الرجاء العدد الحادى عشر بتاريخ 30/8/2014
وردة الحب
شفت وردة جميلة فرحت بيها
بريئه وجريئة والحنان ماليها
صغيرة متحيرة م العالم حواليها
وحيدة بس سعيدة
بتعيش حياة جديدة
مهما اوصف مش ممكن هاوفيها
وردة مليانة بالأمان
تدى السعادة لكل انسان
تغمره بالحب والصدق والحنان
ربنا يحفظها ويخليها
يا بخت اللى هتكون الوردة نصيبه
لو اخلصلها مش ممكن تسيبه
يتهنا بحياته وينسى العذاب ولهيبه
كتاب فن المسيح
4:41 م
MAGDY REZK
اعلان هاااام
------------------
تم الانتهاء من إعداد وتجهيز وطباعة
كتاب فين المسيح
لطلب الكميات
01221575113
او ارسال رسالة على صفحتنا
https://www.facebook.com/feenelmaseh
------------------
تم الانتهاء من إعداد وتجهيز وطباعة
كتاب فين المسيح
لطلب الكميات
01221575113
او ارسال رسالة على صفحتنا
https://www.facebook.com/feenelmaseh
الملك و الوعد
10:52 ص
MAGDY REZK
الملك و الوعد
كان آدم رجل في أوائل الثلاثينات يعيش فى قرية صغيرة جاء إليها حديثا كانت هذه القرية بمثابة دنيا جديدة فى ملامحها وفى الناس الموجودين بها وفى عاداتهم . فى احد الأيام جاء إليه احد الجنود المعروفين أنهم خدام الملك الذى يحكم هذه القرية وعدة قرى أخرى مجاورة تكلم هذا الجندي إلى آدم قائلا :" الملك يبلغك انه قبل نهاية هذا العام سيعد لك مكافأة عطية مجانية من الملك وهى انه سيحقق لك حلم طالما حلمت به " وعندما بدا آدم فى الكلام قاطعه الجندى قائلا:
" كلام الملك لا يرد. كلمته واحدة وهو عندما يقول ينفذ "
وقال له احد الحاضرين : " بماذا سترد يا غريب .عندما يتكلم الملك لابد أن تسمع وتصدق وتثق فيما يقال لك " فسكت آدم وصدق كلام الملك الذى بلغه له جندى الملك وقال فى نفسه
:" لم يتبق على نهاية العام سوى خمسة شهور.سأعيش لانتظر وعد الملك " فرح آدم بهذا الوعد وفعلا عاش مصدقا لوعد الملك ليس هذا فقط ولكنه تكلم أيضا به وقال لجيرانه وأصدقائه وزملائه وتكلم بهذا الكلام قدام الكثيرين .
انتظر آدم شهر ثم اثنين ثم شهر آخر ومر أيضا الشهر الأخير لكن لم يفي الملك بوعده ولم يحقق لأدم حلمه الذى يحلم به صُدم آدم واخذ يفكر وقال فى نفسه: " كيف للملك ان يعد ثم يخلف ولا يفى بوعده
" حزن آدم جدا لانه وثق بكلام الملك وصدق كلامه وكلم الاخرين عن وعد الملك لكن للاسف لقد اخلف الملك وعده .تألم آدم ولم يتمالك نفسه ولم يستطع ان يمنع دموعه من النزول ولم يقدر ان يمنع لسانه من الكلام ولم يقف عقله عن التفكير .
لكن أخيرا تمالك آدم نفسه قليلا وقرر ان يدرس الامر جيدا وان يبدا فى التفكير من الاول ففكر هكذا:"
الملك - الوعد – الجندى - ثم انا .افكر فى كلٍ على حدة "
اولا:الملك: اعتقد انه هو الذى اعطانى الوعد وهو وحده من يستطيع ان ينفذ وعده لى ولكن الواقع انه لم ينفذ وعده . فهل:-
نسى وعده لى او رجع فى كلامه
ام لم يستطع تحقيق ما وعد به
ام انه لم يتكلم اصلا بهذا الوعد
ام ان الملك مات وبالتالي مات وعده
ثانيا:الوعد: وعد تحقيق الحلم صدرَ عن الملك وهو كلامه الذي لا يعلو عليه وكلام الملك الملك وحده الذي يستطيع تحقيقه
ثالثا: الجندي هو من بلغني بكلام الملك
وهو من اعلنه لى وشجعنى ان أقبل كلام الملك . فان كان الملك حقا موجود وقال هذا
الكلام ولم يتحقق فلماذا لم يتحقق وان كان الجندى حقا نقل هذا الكلام عن الملك
فالملك وعد فاخلف
ولكن قد يكون هناك احتمال اخر ان يكون الجندى هو الكاذب فالملك لم يتكلم ولم يعد ولكن الجندى خدعنى
ولعله خدع اخرين ايضا
رابعا: أنا لم يتبق
من عناصر الوعد بعد الملك والخادم والوعد نفسه الا انا
انا سمعت كلام الجندى الذى يزعم ان كلامه هو كلام
الملك وانا أعى جيدا انه حدثنى بذلك وعندى شهود لذلك .فلم اكن احلم ولا اهذى ولكن
كان الكلام حقيقى وكان هناك من يسمع غيرى
هل انا لم اصدق كلام الملك حتى لو حدث هذا هل
يتوقف تحقيق وعد الملك على مدى تصديقى لكلامه ؟ هل يتوقف وعود الملك على ظن احد
رعاياه به ؟ فى حين ان الملك يعطى من يطلب ومن لا يطلب من يستحق ومن لا يستحق فلا
تتوقف عطاياه على عمل رعاياه كما يزعمون ؟
هناك شىء اخر الوعد كان محدداً بميعاد
من كل هذا استنتج ان :
* كان هناك وعد لكنه لم يتحقق
يترتب على ذلك عدة استنتاجات واحد منها على الاقل
صواب ان لم يكن اغلبها
1. ادم لا يستحق الوعد او انه لم يوعد بشىء
2. الجندى نقل كلاما مغلوطا او اخطا او كذب
3. الملك لم يتحدث عن وعد فهو لم يعد بشىء
4. لا يوجد عند الملك وعود
5. الملك غير موجود اصلا
الاشتراك في:
الرسائل (Atom)
